طفل غريق
.............
طفل غريق..... بكّى قلوبنا....... كلنا
براءة العرب بتتقتل تحت .......سمعنا
أهله خدوه و هربوا بيه......ز م الموت
الموت جالهم ف البحر و سخر... مننا
..............
مش كان أحسن يموتوا ....ف بلدهم
مش كان أحسن يدافعوا...عن ترابهم
هما وملايكة ربنا يقفوا .....صف واحد
و ان ماتوا..... يتدفنوا ......ف مكانهم
..............
حتى عشان أرضهم .......تشهد لهم
انهم دافعوا من غير م حد ....يقولّهم
بدل م يهربوا زى ......القطيع المذعور
وف الآخر....... آدى البحر........ كَلهم
.............
عينى عليك....... يادى....... الانسان
مش عارف........ هتموت ف أى مكان
لو الغرقان ..............كان يعرف نهايته
كان و قف مكانه ......و حارب الطغيان
.............
عزة احمد
ليست هناك تعليقات:
إرسال تعليق