لرحمه فين ؟
الحق غاب والخير سجين
الكل بين
خايف وخاين للأمين
حتى الجنين
لما اتقتل
اكبر حرام
الدم ليه اصبح بدل
حب وسلام
الحق واجب ع النظام
يبقى الإمام
ينصح وينزل فى القرى
فوق المنابر
وف طابور المدرسه
يمسك عصا
يضرب بها
صخر الجبال
يكسر بها
سيف المحال
يقطف حلال
ينهي الجدال
بالعلم يحترم الرجال
الخوف ضلال
الدم هم
الدم نار
من ثار ل ثار
هدم العمار
الرحمه راحت والقرار
اصبح غضب
قلة ادب
خرق القانون
الظن خاب
الكل بين حالة اكتئاب
حالة سرع
الكل بالسحر اتخدع
سيف البدع
قطع الذقون
وحرام يكون
وحلال يهون
رقص وفنون
اخلاق ف اسوء ما يكون
علشان مافيش تعليم
خلاص
الدم نار حل القصاص
الشرع خير
الصبر خير
الموت مصير
كل البشر
احلامنا ليه دنيا وهلاك
حرب وخراب هتك وخطر
اكثرنا ساخط ع القدر
خسران برغم انه انتصر
الخوف خلاص اصبح ذكر
شد اللجام
تعبير حرام !
تغيير حرام !
تطهير حرام !
اسكت ونام
لو كان كلام زي العسل
فين الآمل
فين الآمانه فى العمل
ارباب بتاكل حقنا
اما السبب كان حقدنا
نحسد ونقتل بعضنا
ولا حد فينا بيعتذر
ايه الخبر !
الدنيا فانيه يا بشر
الدم ليه ؟
والحق غاب !
ليست هناك تعليقات:
إرسال تعليق