...................،،..................( انا في انتظار ترجع )........................ بقلمي / رأفت يوسف
عدي عليا الزمن وبقيت أنا لوحدي
باستني في ابني الغريب يرجع معاه فرحي
نظره أمل من بعيد
من خلف شباكي وذكريات اوضتي
حضناك في قلبي زمن قلبي عليك باكي
شاهده حيطان وحدتي يواسيني شباكي ،،،،،،،،،،،،،،،،،،،،
ياطيور مسافره بعيد رايحه لضنايا الحبيب
أمانه لتبلغيه وقوليله أمك خلاص مستنياك ياغريب
تبكي علي بعادك
تتمني قبل الأجل تملي في ميعادك
ياضنايا خايفه أمووت
ياللي قطعت السكوت بنبض ليك حاكي،،،،،،،،،
قلبي عليك يا ابني واجعني في بعادك
شوف كام سنه مرت ما زارني مرسالك
وعيون حاملها الأسي تبكي علي فراقك
ويفوت عليا النهار ويمر بعده المسا،
وحشاك حيطان دارك
فاكر وانا باحضنك
وقت الرحيل يابني قولت ما هنساكي،
عدت سنين ع الفراق ،
وكل يوم ناري يزيدها ليك اشتياق
باستني وقت الرجوع مابايدي غير الدموع
وكل ما انظر غريب راجع علي أهله
أجري عليه واساله عنك واندهله
واقول لكل المراكب أنا أم بترجاكي
خديني لابني الغريب وهاروحله أنا معاكي،،،،
ماعدلي غير وحدتي وانك تعود تاني
شباك ودمع وأسي
وعيون قاتلها البكي وقلب وحداني
يستنوا في اللي رحل واخداني أحزاني
نفسي أكون طايره مع طيور السما
خديني وياكي ويادنيا حامله الأسي
روحي لحضن الضنا دي هايمه في سماكي،،،،،،،،،
هاستني وقت الرجوع يا نن عين أمك
وهاقيد بأيدي الشموع وفي حضني راح اضمك
محتاجه لرجوعك
طمني في بعادك ورساله عرفني ومرسال يكون منك
أنا بانتظر تيجي من خلف شباكي
يادنيا فرحك بعيد قهراني بأساكي
،،،،،،،،،،،،،،،،،،،،،،،،،،،،،،،،،،،،،بقلمي / رافت يوسف 23/8/2015
ليست هناك تعليقات:
إرسال تعليق