ظيفه لشاعر
..................
ماحدش عاوز شاعر
جناينى أوحتى غفير
بأجره وبالنفر
المهم التقدير
سواق غاوى سفر
ماحدش عاوز شاعر
تمشى معاه المقاوله
وممكن يلعب طاوله
حدش عاوزه فى تقسيمه
أوحتى نجم فى سيما
ماحدش عاوز شاعر
كرسون ينفع أو شيف
أو فى محل تقيف
مخه عبقرى ونضيف
ماحدش عاوز شاعر
من مصر أو من بره
مش فارقه معاه بالمره
ماحدش عاوزه فى عمره
ماحدش عاوز شاعر
طب حدش عاوزه مدير
تمشى وياه وزير
وأهى نوايه وتسند زير
ماحدش عاوز شاعر
حدش عاوزه مدرس
فى الطب كمان بيهندس
إبن ناس متأسس
ماحدش عاوز شاعر
طب حدش عاوزه صاحب
مخلص قوى ويتصاحب
طب ماحدش حابب
ماحدش عاوز شاعر
طب حد يحن عليه
ياخده ويربيه
أو حد يكفل بيه
ماحدش عاوز شاعر
ليست هناك تعليقات:
إرسال تعليق