مجلة رؤيا

تناتيش حرافيش

.....................

وقعت مغشياً عليه ................ من أكل الفول و الطعميه

افتكرونى مُت و اتأملوا فيّه............... قلت محدش معاه لُقمه هديه

قالوا بتمثل علينا ................. يعنى مش كفايه اللى فينا

قلت آه يا ناس يا بوش............... ابعدوا شويّه متتلموش

لمّوا من بعضكوا شوية قروش .............. و هاتولى أكله مغذيه

يمكن أشد حيلى شويّه ............... حد فيكوا سمع عن حاجه اسمها لحمه

مرّه زمان سمعت اسمها .............. و أنا واقف فى الزحمه

وقالوا دى حلوه بتربى عضلات .................. خدت بعضى و مشيت من سكات

منا قلت للجزار هات حته .............. قاللى هات فلوسك يا شحات

طب حد فيكوا سمع عن الفلوس ............ حاجه كده و حشه بتجيب كابوس

و اللى عنده منها ياعينى منحوس ............ ليل نهار مشغول بيفكر

لحد ما يجيله الضغط و السكر .............يمرض و يتسلّ بعد ما كان عنتر

00....................................00 ......................................00

عزة احمد