المهرجان الثاني
السواقة عجباني
احمد صبري
احب اسوق اللودر
احب اسوق التوك
واْزاْز لب سوبر
وابطل الفيس بوك
اوك اوك اوك
مقدرش حتى اشك
شوف الكلام الكبير
شوف الكلام التمام
اعلام مليان ضمير
وحياه كلها اوهام
وانا هعمل دكتوراه
في قوانين السباكة
امسح بإيدي وراه
واركب كوع شياكة
انا هعمل ماجستير
في الشعر والحلاقة
هنلاقي الشغل كتير
والمكسب اخر حاجة
ومش مهم الفلوس
عايزين نبني الهبل
نمسح كل القاموس
نفتح سجن في جبل
مليون وحدة سكنية
مليون قطعة ارض
حكاوي مية المية
غناوي طول وعرض
فتاوي من هناك
وفتاوي من هنا
وشيطان عامل ملاك
ووقعنا في بعضنا
احب اسوق الهبل
احب اعمل عبيط
تفويض على محتمل
توسيع مع تعريض
انا جاي عشان اسوق
واعوم كمان في الترعة
ومفيش ولا مخلوق
هيخلع شجرة فرعة
احب اسوق اللودر
احب اسوق التوك
سلام للكينج بودر
والمهرجان نيولوك
اوك اوك اوك
ادعي ربك بفك
ليست هناك تعليقات:
إرسال تعليق