عايش ومش عايش
******************
كتير عايش ومش عايش
أنا واحد على الهامش
مصاحب ليل قاسى وحزين
واقع فى بير غويط جارف
تايه والتوهه وخدانى
وعايش جوه احزانى
عامل مش عارف لكن عارف
قلبى راح مكان تانى
وفاتنى وقال لى انسانى
نسيته وبرضو مش خايف
وعشت حياتى ع الهامش
وقلمى ورقى وجهازى
دول هما اصحابى واحبابى
وفنجان القهوة والشيشة
وقعدة رايقة وخفيفة
مع اصحابى قافل بابى
على نفسى وع الذكرى
والحلم مات على فكرة
وسلاسل مربوطة ف أديا
تكتفنى تكممنى
وتعمينى عن الكلمة
كان عندى وليفة وأنيسة
راحت منى وهجرتنى
وفاتت قلبى وحدانى
عايش وحدى على الهامش
كلمات / سامى أبو الغيط
***********************
ليست هناك تعليقات:
إرسال تعليق