( صعب جدا )
صعب جدا جمب عيونك
قلبى يبص لواحدة تانية
فمتسمعيش لكلام ظنونك
وتمشى وراهم ف كل ثانية
أصل إزاى أبقى مجنونك
وبقتل عهدى أنا بإيدية
.............................
صعب أهمل فيكى ورودك
وقلبى يروح لورود تانية
صعب أتنازل عن وجودك
وإنتى حياتى ونور عنية
إقفلى باب الشك بإيدك
وماتفتحوش ولو ثانية
.............................
أنا مخلوق علشانك إنتى
مش مخلوق لحد تانى
ومدام أنا معاكى حبيبتى
م المستحيل أخونك ثوانى
فمتزوديش نار حيرتى
وظنك يجعل منى جانى
...........................
إنتى كدة بتجرحى قلبى
من غير قصد أو بالقصد
ويمكن يوم تقتلى حبى
لما ظنونك تزيد ع الحد
وأطلب منك تفارقى غضبى
واللى إتبنى ف حبنا يتهد
الشاعر يوسف ابو زينة
ليست هناك تعليقات:
إرسال تعليق